«Inter» yarimhimoyachisi Ivan Perishich «Chelsi»ga o‘tishi mumkin.
Football Italia xabariga ko‘ra, butun yoz davomida «Manchester Yunayted»ga o‘tishi kutilgan xorvatiyalik futbolchi «Chelsi» bilan shartnoma imzolashga yaqin.
Perishich agentining gapiga ko‘ra, "ko‘klar" ustozi Antonio Konte u bilan shaxsan gaplashib, jamoasiga o‘tishga ko‘ndirgan. Natijada, «Chelsi» «MYU»dan o‘ziga xos tarzda qasos olib, uning transfer maqsadini ilib ketmoqchi.
Eslatib o‘tamiz, avvalroq «MYU» aynan «Chelsi»ga o‘tishi kutilayotgan Romelu Lukaku bilan shartnoma imzolagan edi.