Angliya premyer-ligasining 25 yillik tarixidagi eng chiroyli gol aniqladi. «Arsenal» klubi sobiq hujumchisi Dennis Bergkamp tomonidan «Nyukasl» darvozasiga urilgan gol eng yaxshi gol deya tan olindi. Gollandiyalik futbolchi ushbu golni 2002 yilning mart oyida urgan va "kanonirlar"ning g‘alabasiga (2:0) hissa qo‘shgan.
Muxlislar ishtirokidagi o‘tkazilgan so‘rovnomada ushbu gol eng ko‘p ovoz oldi — 31 foiz. Keyingi o‘rinlarni Toni Yeboa («Lids» — «Uimbldon» darvozasiga) va Ueyn Runi («Manchester Yunayted» — «Man Siti» darvozasiga) tomonidan kiritilgan to‘plar egalladi.
Shuningdek, kuchli beshlikka Jek Uilsher («Arsenal» — «Norvich» darvozasiga) va Tyerri Anri («Arsenal» — «Tottenxem» darvozasiga) urgan gollar kirdi.