O‘zbekiston milliy terma jamoasini oldinda 2 ta muhim uchrashuv kutib turibdi.

Futbolchilarimiz 31 avgust kuni Xitoy terma jamoasi bilan kuch sinashsa, 5 sentyabr kuni Toshkentda Janubiy Koreya termasiga qarshi maydonga tushadi.

Ikki muhim uchrashuv oldidan O‘zbekiston terma jamoasi qo‘shni Qirg‘iziston terma jamoasi bilan nazorat bahsi o‘tkazadi. Bahs 25 avgust kuni Toshkentda bo‘lib o‘tadi.

Qizig‘i shundaki, mehmonlarning talabi bilan ushbu o‘yin yopiq eshiklar ortida o‘tkaziladi, ya’ni stadionga muxlislar va jurnalistlar kiritilmaydi. “Sport” telekanali ham o‘yinni namoyish qilmaydi.

Shuningdek, ushbu o‘yinda Osiyoning besh karra eng yaxshi referisi Ravshan Ermatov hakamlik qiladi.