Ўзбекистон миллий терма жамоасини олдинда 2 та муҳим учрашув кутиб турибди.

Футболчиларимиз 31 август куни Хитой терма жамоаси билан куч синашса, 5 сентябрь куни Тошкентда Жанубий Корея термасига қарши майдонга тушади.

Икки муҳим учрашув олдидан Ўзбекистон терма жамоаси қўшни Қирғизистон терма жамоаси билан назорат баҳси ўтказади. Баҳс 25 август куни Тошкентда бўлиб ўтади.

Қизиғи шундаки, меҳмонларнинг талаби билан ушбу ўйин ёпиқ эшиклар ортида ўтказилади, яъни стадионга мухлислар ва журналистлар киритилмайди. “Sport” телеканали ҳам ўйинни намойиш қилмайди.

Шунингдек, ушбу ўйинда Осиёнинг беш карра энг яхши рефериси Равшан Эрматов ҳакамлик қилади.