Oliy liganing 19-turida Namanganda "Dinamo" jamoasi mehmon bo‘ladi.
Raqiblar oliy ligada 45 bor to‘qnash kelishgan. 24 uchrashuvda Navbahor g‘alabani qo‘lga kiritgan. Samarqandliklar hisobidagi g‘alabalar soni esa 13 tani tashkil etmoqda. Sakkizta uchrashuvda tomonlar murosa ko‘chasini tanlagan. To‘plar nisbatidagi ko‘rsatkich esa 81:41, "Navbahor" foydasiga.
"Lochinlar"ning ushbu raqib ustidan erishgan eng yirik g‘alabasi 1997 yili qayd etilgan. 20 yil avval "Navbahor" o‘z maydonida "Dinamo"ni 7:1 hisobida tor-mor etgan. E’tiborlisi, "Dinamo" shu paytga qadar biror marotaba ham "lochinlar"ni yirik hisobda taslim eta olmagan.
Namanganda bo‘lib o‘tgan so‘nggi besh uchrashuv:
25.04.2015 «Navbahor» - «Dinamo» 2:1
07.11.2014 «Navbahor» - «Dinamo» 1:1
25.08.2013 «Navbahor» - «Dinamo» 1:1
12.05.2012 «Navbahor» - «Dinamo» 1:1
18.10.2011 «Navbahor» - «Dinamo» 1:1
O‘zaro o‘yinlar haqida fakt: "Dinamo” vodiyda bu jamoaga qarshi o‘yinlarda umuman g‘alaba qozona olmagan. 16ta uchrashuvda "Navbahor” muvaffaqiyatga erishgan. Qolgan olti bahsda tomonlar murosa ko‘chasini tanlashgan. "Dinamo" so‘nggi olti o‘yin davomida Namanganda gol kiritmoqda.
26 avgust, shanba. 18:00
«Navbahor» (Namangan) – «Dinamo» (Samarqand)
Hakamlar: X. Ro‘ziyev (Toshkent), A. Snetkov (Toshkent vil.), N. Ro‘zimov (Toshkent), A. Shukurullayev (Toshkent)
Nazoratchi: R. Serazetdinov (Toshkent).
O‘zPFL vakili: B. Haydarov.
