Олий лиганинг 19-турида Наманганда "Динамо" жамоаси меҳмон бўлади.
Рақиблар олий лигада 45 бор тўқнаш келишган. 24 учрашувда Навбаҳор ғалабани қўлга киритган. Самарқандликлар ҳисобидаги ғалабалар сони эса 13 тани ташкил этмоқда. Саккизта учрашувда томонлар муроса кўчасини танлаган. Тўплар нисбатидаги кўрсаткич эса 81:41, "Навбаҳор" фойдасига.
"Лочинлар"нинг ушбу рақиб устидан эришган энг йирик ғалабаси 1997 йили қайд этилган. 20 йил аввал "Навбаҳор" ўз майдонида "Динамо"ни 7:1 ҳисобида тор-мор этган. Эътиборлиси, "Динамо" шу пайтга қадар бирор маротаба ҳам "лочинлар"ни йирик ҳисобда таслим эта олмаган.
Наманганда бўлиб ўтган сўнгги беш учрашув:
25.04.2015 «Навбаҳор» - «Динамо» 2:1
07.11.2014 «Навбаҳор» - «Динамо» 1:1
25.08.2013 «Навбаҳор» - «Динамо» 1:1
12.05.2012 «Навбаҳор» - «Динамо» 1:1
18.10.2011 «Навбаҳор» - «Динамо» 1:1
Ўзаро ўйинлар ҳақида факт: "Динамо” водийда бу жамоага қарши ўйинларда умуман ғалаба қозона олмаган. 16та учрашувда "Навбаҳор” муваффақиятга эришган. Қолган олти баҳсда томонлар муроса кўчасини танлашган. "Динамо" сўнгги олти ўйин давомида Наманганда гол киритмоқда.
26 август, шанба. 18:00
«Навбаҳор» (Наманган) – «Динамо» (Самарқанд)
Ҳакамлар: Х. Рўзиев (Тошкент), А. Снетков (Тошкент вил.), Н. Рўзимов (Тошкент), А. Шукуруллаев (Тошкент)
Назоратчи: Р. Серазетдинов (Тошкент).
ЎзПФЛ вакили: Б. Ҳайдаров.
