«Real» va Portugaliya terma jamoasi hujumchisi Krishtianu Ronaldu yangi mavsumdagi vazifalari haqida gapirdi.
Ma’lumki, futbolchi UYEFA tomonidan o‘tgan mavsumning eng yaxshi hujumchisi va eng yaxshi futbolchisi deb topilgan edi.
«Vazifa va maqsadlarim har doim bir xil: klub va terma jamoa bilan barcha sovrinlarni qo‘lga kiritish.
Bu sovrinlarni qo‘lga kiritganimdan xursandman. Jamoadoshlarimdan minnatdorman, ularni ham tabriklayman.
Terma jamoaga tashrif buyurganimda yanada ilhomlanaman, oldinga qarab intilish uchun ishtiyoqqa ega bo‘laman. «Real» muxlislari va barchaga minnatdorchilik bildiraman. Judayam baxtiyorman, hammaga rahmat!» – dedi Ronaldu.
