Ertaga «Navbahor» Samarqandning «Dinamo» jamoasini qabul qiladi. Jamoalar ikkinchi davrani ikki xil kayfiyatda boshlashdi desak xato bo‘lmaydi. “Navbahor” o‘tkazilgan uch uchrashuvning ikkitasida g‘alaba qozonib, Farg‘onada “Neftchi” bilan durang qayd etgan bo‘lsa “Dinamo” aksincha davra startidagi ketma-ket ikki mag‘lubiyatdan so‘ng oldingi turda “Paxtakor” bilan o‘z maydonida durang o‘ynadi. Jamoalarning birinchi davrada Samarqandda o‘tgan qarama-qarshiligida Oybek Qilichevning yagona goli tufayli vakillarimiz g‘alabani qo‘lga kiritgandi. 2016 yilgi mavsumni birinchi ligada o‘tkazgan “Dinamo” joriy yilgi mavsum startini ajoyib tarzda boshlashga erishgandi. Dastlabki turlarda peshqadamlik qilgan samarqandliklarning g‘alabali yurishini aynan “Navbahor” to‘xtatgandi.

Raqiblar oliy ligada 45 bor to‘qnash kelishgan. 24 uchrashuvda jamoamiz g‘alabani qo‘lga kiritgan. Samarqandliklar hisobidagi g‘alabalar soni esa 13 tani tashkil etmoqda. Sakkizta uchrashuvda tomonlar murosa ko‘chasini tanlashgan. To‘plar nisbatidagi ko‘rsatkich esa 81:41, "Navbaxor" foydasiga. O‘zaro uchrashuvlarda gol urish borasida "Navbahor"da to‘p surgan Shuhrat Mirxoldirshoyevning yetakchilik qilayotganligini aytish mumkin. Mirxoldirshoyev 2000 yildan 2009 yilga qadar samarqandliklar darvozasini 8 bor ishg‘ol qilgan. Leonid Koshelev, Ivan Nagayev hamda Ro‘zim Ahmedovlar har ikki klub sharafini turli davrlarda himoya qilib, har ikki jamoa darvozasini ishg‘ol etishga muvaffaq bo‘lishgan. "Lochinlar"ning ushbu raqib ustidan erishgan eng yirik g‘alabasi 1997 yili qayd etilgan. 20 yil avval "Navbahor" o‘z maydonida "Dinamo"ni 7:1 hisobida tor-mor etgan. E’tiborlisi, "Dinamo" shu paytga qadar biror marotaba ham "lochinlar"ni yirik hisobda taslim eta olmagan.

Namangandagi “Markaziy” o‘yingohda soat 18.00da boshlanadigan uchrashuvni toshkentlik Hasan Ro‘ziyev boshqarib boradi. Ro‘ziyevga qanotlara Andrey Snetkov va Nabiyjon Ro‘zimovlar yordam berishadi. Akobirxo‘ja Shukrullayev esa zaxiradagi hakam vazifasini bajaradi. Nazoratchi sifatida Radik Serazetdinov qayd etilgan bo‘lsa Uchrashuvni PFL vakili sifatida Bobur Haydarov kuzatib boradi.

Namanganda o‘tkazilgan barcha uchrashuvlar natijalari
1992 yil
«Navbahor» - «Maroqand» - 1:1
Gollar: R.Zabirov (40) – H.Jabborov (22).
1993 yil
«Navbahor» - «Dinamo» - 5:0 (3:0).
Gollar: YE.Eraliyev (2), V.Keldiyev (40), U.Ro‘zimov (44), Q.Abduqodirov (57), F.Xabibulin (60). 
1995 yil
«Navbahor» - «Dinamo» - 2:0 (2:0).
Gollar: O.SHaskix (22), Yerb.Eraliyev (36).
1996 yil
«Navbahor» - «Dinamo» - 6:0 (3:0).
Gollar: Z.Musaboyev (2), I.SHaripov (38), A.Ma’rufaliyev (43), Yerb.Eraliyev (56), S.Tursunov (70), D.Aliyev (77).
1997 yil
«Navbahor» - «Afrosiyob» - 7:1 (3:1).
Gollar: S.Tursunov (30,40), V.Keldiyev (36), A.Soliyev (67,76,88) – A.Timofeev (12).
1999 yil
«Navbahor» - «Samarqand» - 2:0 (0:0).
Gollar: R.Do‘rmonov (48,69).
2000 yil
«Navbahor» - «Samarqand-D» - 2:0 (1:0).
Gollar: SH.Rahmonqulov (25), SH.Mirxoldirshoyev (88).
2001 yil
«Navbahor» - «Samarqand-D» - 3:1 (1:0).
Gollar: SH.Mirxoldirshoyev (5,60), R.G‘ofurov (71) – M.Muhammadiyev (67).
2002 yil
«Navbahor» - «Samarqand-D» - 3:0 (1:0).
Gollar: SH.Jo‘rayev (30), M.Fozilov (52), S.Tursunov (70).
2003 yil
«Navbahor» - «Samarqand-D» - 4:0 (1:0).
Gollar: R.G‘ofurov (22), SH.Mirxoldirshoyev (55), A.Petrov (69), U.Qobilov (73-avtogol).
2004 yil
«Navbahor» - «Samarqand-D» - 2:0 (1:0).
Gollar: V.Klishin (19,80).
2005 yil
«Navbahor» - «Samarqand-D» - 2:1 (0:1).
Gollar: D.Otayev (48), SH.Raimqulov (56) - U.Isoqov (36).
2006 yil
«Navbahor» - «Samarqand-D» - 0:0
2007 yil
«Navbahor» - «Samarqand-D» - 1:0 (0:0).
Gol: D.Fayziyev (67-avtogol).
2008 yil
«Navbahor» - «Dinamo» - 2:0 (0:0).
Gollar: SH.Mirxoldirshoyev (56,78).
2009 yil
«Navbahor» - «Dinamo» - 1:0 (1:0).
Gol: R.Berdimurodov (23).
2010 yil
«Navbahor» - «Dinamo» -2:0 (0:0).
Gollar: YE.Sayko (71), I.Nagayev (90+3).
2011 yil
«Navbahor» - «Dinamo» -1:1 (0:1).
Gollar: S.Asqaraliyev (60) – S.Sayfiyev (25).
2012 yil
«Navbahor» - «Dinamo» - 1:1 (0:1).
Gollar: G‘.Jo‘rayev (78) – R.Ahmedov (16).
2013 yil
«Navbahor» - «Dinamo» - 1:1 (1:0).
Gollar: L.Koshelev (7) - A.Bobojonov (75).
2014 yil
«Navbahor» - «Dinamo» - 2:2 (0:0).
Gollar: SH.Erkinov (50-pen.), M.Saidov (74) - K.SHarofutdinov (58), I.Mamatkazin (90+3).
2015 yil
«Navbahor» - «Dinamo» - 2:1 (1:1).
Gollar: SH.Erkinov (27), U.Baqoyev (73) - M.Fomin (41).