O‘zbekiston milliy terma jamoasi JCH–2018 turniriga saralash bosqichi so‘nggi ikki o‘yinidan oldin bugun, 25 avgust kuni Qirg‘izistonga qarshi nazorat uchrashuvi o‘tkazdi.
“Bunyodkor” stadionida bo‘lib o‘tgan bellashuvda Samvel Babayan shogirdlari 5:0 hisobida zafar quchdi. Uchrashuvning 9-daqiqasida Sardor Rashidov hisobni ochgan bo‘lsa, 43-daqiqada Igor Sergeev hisobni oshirdi.
Ikkinchi bo‘lim yakunida O‘zbekiston termasi yana uchta gol kiritdi. 83-daqiqaga kelib Sardor Mirzayev hisobni 3:0 ko‘rinishiga olib keldi. Asosiy vaqtga qo‘shib berilgan daqiqalarda esa Jaloliddin Masharipov va Aleksandr Geynrix bittadan gol urdi.
Eslatib o‘tamiz, O‘zbekiston terma jamoasi JCH–2018 saralash bosqichi doirasida 31 avgust kuni safarda Xitoy termasiga qarshi, 5 sentyabr kuni esa Toshkentda Janubiy Koreya termasiga qarshi bahs olib boradi.
Nazorat uchrashuvi
“Bunyodkor” stadioni
25 avgust, juma
O‘zbekiston – Qirg‘iziston 5:0
Gollar: Sardor Rashidov (9), Igor Sergeev (43), Sardor Mirzayev (84), Jaloliddin Masharipov (90+2), Aleksandr Geynrix (90+4)
O‘zbekiston: Ignatiy Nesterov (Aleksandr Lobanov, 74) - Farruh Sayfiyev (Vladimir Kozak), Anzur Ismoilov (Davron Hoshimov), Yegor Krimes (SHerzod A’zamov), Islom To‘xtaxo‘jayev (Akmal Shorahmedov) - Otabek Shukurov (Aziz G‘aniyev), Aziz Xaydarov (Jamshid Iskanderov), Server Jeparov (Aleksandr Geynrix) - Sardor Rashidov (Sardor Mirzayev), Igor Sergeev, Marat Bikmayev (Jaloliddin Masharipov).
