Ўзбекистон миллий терма жамоаси ЖЧ–2018 турнирига саралаш босқичи сўнгги икки ўйинидан олдин бугун, 25 август куни Қирғизистонга қарши назорат учрашуви ўтказди.
“Бунёдкор” стадионида бўлиб ўтган беллашувда Самвел Бабаян шогирдлари 5:0 ҳисобида зафар қучди. Учрашувнинг 9-дақиқасида Сардор Рашидов ҳисобни очган бўлса, 43-дақиқада Игорь Сергеев ҳисобни оширди.
Иккинчи бўлим якунида Ўзбекистон термаси яна учта гол киритди. 83-дақиқага келиб Сардор Мирзаев ҳисобни 3:0 кўринишига олиб келди. Асосий вақтга қўшиб берилган дақиқаларда эса Жалолиддин Машарипов ва Александр Гейнрих биттадан гол урди.
Эслатиб ўтамиз, Ўзбекистон терма жамоаси ЖЧ–2018 саралаш босқичи доирасида 31 август куни сафарда Хитой термасига қарши, 5 сентябрь куни эса Тошкентда Жанубий Корея термасига қарши баҳс олиб боради.
Назорат учрашуви
“Бунёдкор” стадиони
25 август, жума
Ўзбекистон – Қирғизистон 5:0
Голлар: Сардор Рашидов (9), Игорь Сергеев (43), Сардор Мирзаев (84), Жалолиддин Машарипов (90+2), Александр Гейнрих (90+4)
Ўзбекистон: Игнатий Нестеров (Александр Лобанов, 74) - Фарруҳ Сайфиев (Владимир Козак), Анзур Исмоилов (Даврон Ҳошимов), Егор Кримец (Шерзод Аъзамов), Ислом Тўхтахўжаев (Акмал Шораҳмедов) - Отабек Шукуров (Азиз Ғаниев), Азиз Хайдаров (Жамшид Искандеров), Сервер Жепаров (Александр Гейнрих) - Сардор Рашидов (Сардор Мирзаев), Игорь Сергеев, Марат Бикмаев (Жалолиддин Машарипов).
