Usmon Dembele Dortmundning «Borussiya»sidan «Barselona»ga transfer qilinishi natijasida «Renn» jamoasi qo‘shimcha daromadga ega bo‘ladigan bo‘ldi.

Fransiyaliklar 1 yil avval Dembeleni «Borussiya»ga 15 million yevro sotib, futbolchining navbatdagi transferidan ma’lum foizga ega bo‘lish huquqini o‘zlarida saqlab qolishgandi. Bundan tashqari, «Renn» o‘yinchini tarbiyalagani uchun kompensasiya mablag‘ini qo‘lga kiritadi. Natijada, "Renn" Dembele transfer summasining 25% miqdorida daromad oladi.

«Barselona» Dembele uchun 105 million yevro to‘laydi. Bundan tashqari, futbolchi erishadigan yutuqlarga qarab, dortmundliklar yana 40% miqdorida bonuslarga ega bo‘lishlari mumkin.

Shu tariqa, «Renn» o‘z tarbiyalanuvchisining transferidan qo‘shimcha 26,25 million yevro mablag‘ga ega bo‘ladi. Bu esa uchinchi jamoa qo‘lga kiritayotgan rekord miqdordagi kompensasiya hisoblanadi. Jamoa Usmonning transferidan jami 41,5 million yevro ishlab topadi. Bu klub tarixidagi rekord natijadir.