«Manchester Yunayted» bosh murabbiyi Joze Mourinyo jamoa hujumchisi Zlatan Ibrahimovichning Yevropa chempionlar ligasidagi ishtiroki borasida o‘z fikrlarini bildirib o‘tdi.

«Ibrahimovich Chempionlar ligasida guruh bosqichida o‘ynashga tayyor bo‘lmaydi. Unda bunday imkoniyat bo‘ladi, deb o‘ylamayman. Uni qaydnomaga kiritish uchun bizda joy bor. Lekin uning guruh bosqichida o‘ynashini kutmayapman. Pley-off bosqichiga chiqsak, Zlatan unda ishtirok etishi mumkin.

Zlatan qachon maydonga qaytishi haqida o‘ylamayapman. Bu haqda shifikorlardan so‘rayotganim yo‘q. Shunchaki mavsumning ikkinchi qismida u safimizni to‘ldirishini kutyapman. Ya’ni yangi yil bayramidan keyin. Eng to‘g‘ri yo‘l — bu haqda o‘ylamaslik. U bosqichma-bosqich o‘z ishini qilsin va haqiqatan ham tayyor bo‘lganida tarkibga qaytsin.

U biz bilan birga ekanidan xursandman. Bu esa Zlatan – yetuk futbolchi, «MYU» – buyuk klub ekanidan dalolat beradi. Jarohatdan keyin u Yevropa futboli bilan xayrlashishi mumkin edi, ammo u bunday qilmadi. U yuqori saviyada o‘ynashni istaydi. Klub uchun kurashib, uning safida o‘ynash orqali jarohat olgan futbolchi o‘zi uchun muhim ahamiyatga ega ekanini "MYU" ko‘rsatib berdi. Men klubdan ham, futbolchidan ham roziman», – dedi Mourinyo.