«Манчестер Юнайтед» бош мураббийи Жозе Моуриньо жамоа ҳужумчиси Златан Ибраҳимовичнинг Европа чемпионлар лигасидаги иштироки борасида ўз фикрларини билдириб ўтди.

«Ибраҳимович Чемпионлар лигасида гуруҳ босқичида ўйнашга тайёр бўлмайди. Унда бундай имконият бўлади, деб ўйламайман. Уни қайдномага киритиш учун бизда жой бор. Лекин унинг гуруҳ босқичида ўйнашини кутмаяпман. Плей-офф босқичига чиқсак, Златан унда иштирок этиши мумкин.

Златан қачон майдонга қайтиши ҳақида ўйламаяпман. Бу ҳақда шификорлардан сўраётганим йўқ. Шунчаки мавсумнинг иккинчи қисмида у сафимизни тўлдиришини кутяпман. Яъни янги йил байрамидан кейин. Энг тўғри йўл — бу ҳақда ўйламаслик. У босқичма-босқич ўз ишини қилсин ва ҳақиқатан ҳам тайёр бўлганида таркибга қайтсин.

У биз билан бирга эканидан хурсандман. Бу эса Златан – етук футболчи, «МЮ» – буюк клуб эканидан далолат беради. Жароҳатдан кейин у Европа футболи билан хайрлашиши мумкин эди, аммо у бундай қилмади. У юқори савияда ўйнашни истайди. Клуб учун курашиб, унинг сафида ўйнаш орқали жароҳат олган футболчи ўзи учун муҳим аҳамиятга эга эканини "МЮ" кўрсатиб берди. Мен клубдан ҳам, футболчидан ҳам розиман», – деди Моуриньо.