«Monako» bosh murabbiyi Leonardu Jardim hujumchi Kilian Mbappe hali jamoaning asosiy tarkibida maydonga tushishi mumkinligini aytdi.
Ma’lumki, futbolchi Fransiya chempionatining 2-turini o‘tkazib yuborgan, 3-turda esa o‘yin qaydnomasiga kiritilmagan edi. Bu esa matbuotda uning PSJ klubiga o‘tayotgani haqidagi xabarlarni avj oldirdi.
«Agar o‘yin bugun o‘tkazilganda uni qaydnomaga kiritardim. Mbappe keyingi turda asosiy tarkibda yoki zaxiradan o‘yinga tushishi mumkin. Men eng yaxshi futbolchilarimdan voz kechadigan ahmoq emasman», — dedi Jardim L’Equipe xabarida.
