Avgustning 27 kuni tongida boks muxlislari orziqib kutgan jang bo‘lib o‘tadi.
Shu kuni Las-Vegasda yengilmas bokschi Floyd Meyvezer UFC yulduzi Konor MakGregorga qarshi ringga chiqadi.
Bir necha daqiqa oldin odatdaga ko‘ra jangchilarni taroziga tortish marosimi o‘tkazildi. Bunda belgilab qo‘yilgan me’yor 69,9 kilogramm bo‘lib, bokschilar undan oshib ketmasligi kerak edi.
Yakunda boks yulduzi Floyd Meyvezer 67,8 kilogramm tosh bosishi ma’lum bo‘ldi. Konor MakGregor esa nisbatan og‘irroq — 69,4 kilogramm.
Boks jangi ertaga Toshkent vaqti bilan 8:30 da start oladi. UzReport telekanali jangni O‘zbekiston hududida translyasiya qilishning eksklyuziv huquqini xarid qilgan.
