"Milan" bosh murabbiyi Vinchenso Montella futbol agenti Mino Rayolaning e’tiroziga javob berdi.
Ma’lumki, Rayola o‘z mijozi bo‘lmish darvozabon Janluiji Donnarummaga sardorlik bog‘ichi va’da qilingani, biroq uni Bonuchchiga berib yuborilganini aytgan edi.
"Men har bir futbolchini hurmat qilaman. Ammo kim kimga nima degani bilan qiziqmayman. Rahbariyat menga sardorlik bog‘ichini Jijiga ber demagan, unga kim nimani va’da qilganini bilmayman. Balki uni keyinroq sardor qilishmoqchidir. Ammo buning hech qanday ahamiyati yo‘q" - dedi Montella Football Italia xabarida.