"Lester" bosh murabbiyi Kreyg Shekspir "Manchester Yunayted"ga (0:2) qarshi APL o‘yinidan so‘ng, o‘z fikrlarini aytdi.
"O‘yin davomida "MYU"ga muammo tug‘dira oldik. Ajoyib formaga ega bo‘lgan jamoaga qarshi o‘ynaganingda, ularda ham vaziyatlar bo‘lib turadi. Bizda ham imkoniyatlar bo‘ldi, ammo ulardan foydalana olmadik.
Standart vaziyatlar - hozirgi "Lester"ning eng nozik tomoni. Endi ahillik bilan muammolarni hal qilib borishimiz kerak. Natijadan xafa bo‘ldim, chunki o‘yinda yaxshi harakat qilgan edik" - dedi Shekspir BBC xabarida.
