«Milan» bosh direktori Marko Fassone Yevropa ligasi guruh bosqichiga yo‘llanma olinganidan so‘ng, o‘z fikrlarini aytdi.
«Biz Yevropa ligasi guruh bosqichiga chiqdik, bu muhim qadam.
Joriy mavsumda xalqaro maydonga qaytishni yuqori maqsad qilib belgilaganmiz. Xo‘jayinlar bizga Chempionlar ligasiga qaytish vazifasini yuklagan. Ular yaqin yillar ichida «Milan»ning
Chempionlar ligasi doimiy a’zosi bo‘lishini istamoqda. Bu musobaqadagi ishtirok sport va iqtisodiy tomondan jamoa hayotini o‘zgartiradi», — dedi Fassone.
