Oliy liganing 19-turidan o‘rin olgan “Sho‘rtan” – “Metallurg”  (0:1) uchrashuvidan so‘ng, “Sho‘rtan” bosh murabbiyi Gennadiy Kochnev o‘z fikrlarini aytdi.

"O‘zingiz ko‘rib turganingiz natija salbiy. Birinchi bo‘limdagi o‘yinimiz chiqmadi.Ikkinchi bo‘limda yigitlar yaxshi o‘ynashdi. Ammo imkoniyatlarimizni samarali yakunlay olmadik. Aybdorlarni izlash noo‘rin. Agarda biz jismoniy tomondan muammolarga ega bo‘lganimizda o‘yin yakuniga fadar bunaqa hujumlar uyushtirmasdik. Bizga shunchaki, yakunlovchi qism yetishmayapti, aniqrog‘i yakunlovchi futbolchiga muhtojmiz.

- Yoshlarimizga imkoniyat berayapmiz. Hushbakovni jamoamiz o‘yiniga biroz bo‘lsada toza havo olib kirish, jamoamiz o‘yinini tezlashtirish maqsadida maydonga tushirgandik. Afsuski, ushbu futbolchi unga bildirilayotgan ishonchni oqlay bilmayapti. Abbos Amonovning esa jiddiy jarohati bor. Kechagi yoshlar ligasi doirasida kechgan baxsda o‘yini bilan ajralib chiqqani uchun, bugun Bo‘riyevni ham maydonga tushirdik. Shu sabali, Safarov va Ergashev zahirada qolib ketdi.

- Endi, 31 avgustga qadar G‘uzordagi qarorgohimizda mashg‘ulotlarni davom ettiramiz. So‘ngra bayram munosabati bilan jamoga 2 kunlik qisqa tanaffus e’lon qilinadi. 3 sentyabrdan esa yana o‘z qarorgohimizda yig‘ilishni rejalashtirganmiz" - dedi Kochnev.