FIFA kunlari va milliy terma jamoamiz o‘yinlari tufayli Oliy ligada tanaffus vujudga keldi.
Milliy terma jamoa safiga "Nasaf"ning uch nafar futbolchisi jalb etilgani bois, 19-tur doirasidagi “So‘g‘diyona” bilan bo‘ladigan uchrashuv boshqa kunga qoldirilgan edi.
Ma’lumki, Oliy liganing navbatdagi 20-tur uchrashuvlari 7-9 sentyabr kunlari bo‘lib o‘tadi. “Nasaf” 20 va 21-tur uchrashuvlarini o‘z maydonida – “Markaziy” stadionda o‘tkazadi.
8 sentyabr juma kuni “Nasaf” – “Olmaliq” jamoalari o‘rtasida bahs bo‘lib o‘tadi. 16 sentyabr shanba kuni esa jamoa chempionat peshqadami – Toshkentning “Lokomotiv” klubini qabul qiladi.
