Germaniyaning Hamburg shahrida boks bo‘yicha jahon chempionati chorakfinal o‘yinlari davom etmoqda.
64 kg.gacha bo‘lgan vazn toifasida hamyurtimiz Iqboljon Xoldorov mezbon Germaniya nomidan ringga chiqqan Artyom Harityunyanga qarshi jang olib bordi. Artyom bizning mashhur bokschimiz Artur Grigoryanning kuyovi ekan. Uchrashuv hamyurtimizning 3:2 hisobidagi g‘alabasi (2:0 jarima ochkolari bilan) bilan yakunlandi va u yarimfinalga yo‘l oldi.
Chorakfinalning 75 kg.gacha bo‘lgan vazn toifasida Isroil Madrimov Amerika Qo‘shma Shtatlari vakili Troy Aysliga qarshi ringga ko‘tarildi va ochkolar bo‘yicha yengildi. Filippinlik va kubalik hakamlar 30:27 hisobida Isroilga ochko berishgan bo‘lsa, marokashlik, bolgariyalik va uelslik hakamlar 28:29 hisobida Ayslini g‘olib, deb topishdi.
Chorakfinal janglarida qatnashayotgan qolgan bokschilarimiz quyidagi soatlarda ringga chiqishadi:
91 kg. Chorakfinal. 20:15, Sanjar Tursunov (O‘zbekiston) – Roy Korving (Niderlandiya)
52 kg. Chorakfinal. 22:15, Jasurbek Latipov (O‘zbekiston) - Seyber Avila (Kolumbiya)
60 kg. Chorakfinal. 22:45, Elnur Abduraimov (O‘zbekiston) - Otar Eranosyan (Gurjiston)
69 kg. Chorakfinal. 23:00, Shahram G‘iyosov (O‘zbekiston) - Pet MakKormak (Angliya)
81 kg. Chorakfinal. 23:30, Bektemir Meliqo‘ziyev (O‘zbekiston) - Yerik Aljanov (Qozog‘iston)
91+ kg. Chorakfinal. 23:55, Bahodir Jalolov (O‘zbekiston) – Qamchibek Qo‘nqaboyev (Qozog‘iston)
