Germaniyada o‘tayotgan boks bo‘yicha jahon chempionatida yana bir sportchimiz final yo‘llanmasini qo‘lga kiritdi. 64 kg. vazn ishtirok etayotgan Iqboljon Xoldorov yarim finalda AQSHlik Freudis Roxasga qarshi chiroyli jang o‘tkazdi.
Ilk marta JCHda ishtirok etayotganiga qaramay, iqtidorli bokschimiz 3 raund davomida o‘z uslubida jang o‘tkazdi va raqibini mag‘lub etdi. Hakamlarning 4 nafari ustunlikni o‘zbekistonlik sportchiga taqdim etishgan bo‘lsa, bir referi AQSHlik bokschining g‘alabasini e’tirof etdi — 4:1 (30:27, 30:27, 30:27, 30:27, 28:29).
Avvalroq 49 kg. vazndagi bokschimiz Hasanboy Do‘smatov final yo‘llanmasini naqd qilgandi.