«PSJ» klubi UEFA tomonidan moliyaviy feyr-pley qoidalariga muvofiqlik bo‘yicha tekshiruv boshlangani haqidagi xabarlarga izoh berdi.
«Klub UEFA bayonotidan taajjubga tushdi, chunki har bir harakat bo‘yicha tashkilotni boxabar qilib kelmoqda. Biz moliyaviy yil yakuniga ko‘ra, barcha moliyaviy talablarni bajara olishimizga ishonamiz», — deyiladi parijliklar matbuot xizmati bayonotida.
Eslatib o‘tamiz, «PSJ» yozgi transferlar darchasida Neymarni 222 mln yevroga xarid qildi. Bundan tashqari, Dani Alves, Yuri Berchiche va Kilian Mbappe bilan tarkibni kuchaytirdi.
