Bugun — 2 sentyabr kuni Germaniyaning Hamburg shahri mezbonlik qilayotgan boks bo‘yicha navbatdagi Jahon Chempionati bellashuvlari o‘z yakuniga yetadi.
Uning finaliga 4 nafar o‘zbekistonlik bokschi yetib keldi. Solishtirish uchun: 2 yil avval Qatarda o‘tgan Jahon Chempionatining finallarida o‘zbekistonliklar soni 3 nafarni tashkil qilgandi.
JCH finaliga eng ko‘p Kubadan bokschi yetib keldi — 7 nafar. O‘zbekiston bu borada ikkinchi ko‘rsatkich qayd etgan, qo‘shni Qozog‘istonning 3 nafar charm qo‘lqop ustasi oltin medallar uchun kurashni davom ettirmoqda.
Rio—2016 Olimpiadasida O‘zbekiston 3 ta oltin va 2 ta kumush bilan umumjamoa hisobida birinchi bo‘lgan, 3 ta oltini bor Kuba 2-o‘rindan joy olgandi. Qozog‘iston termasi 1 ta oltin bilan 4-pog‘onadan joy olgan. Kuchli uchlikni 2 ta oltin bilan Fransiya yakunlagandi.
Quyida finallarda jang qiladigan o‘zbekistonlik sportchilarning raqiblari va to‘qnashuvlarning taxminiy vaqti taqdim etilgan.
21:00 — Hasanboy Do‘stmatov — Yoan Argilagos (Kuba) — 49 kg
21:20 — Jasur Latipov — Yosbani Veitia (Kuba) — 52 kg
22:20 — Iqbol Xoldorov — Endi Kruz Gomes (Kuba) — 64 kg
22:40 — Shahram G‘iyosov — Roniyel Iglesias (Kuba) — 69 kg
Boks bo‘yicha JCH bellashuvlarini o‘zbekistonliklar uchun UzReport telekanali namoyish etmoqda.
