«Liverpul» klubi «Barselona» rahbariyatining Koutinyo transferi haqidagi gaplarini yolg‘onga chiqardi.

Ma’lumki, kataloniyaliklar transfer darchasining so‘nggi kuni bo‘lmish - 1 sentyabrda ham Koutinyo transferi bo‘yicha muzokara o‘tkazganini, «Liverpul» yetakchi futbolchisi uchun 200 mln yevro so‘raganini bahona qilgan edi.

«Liverpul» klubi Koutinyo bo‘yicha «Barselona» bilan hech qanday muzokara o‘tkazmadi. Bu gaplar yolg‘on. Ular haqiqatdan yiroq. «Liverpul» har doim Koutinyo sotilmasligini ta’kidlab kelgan», – dedi voqealar rivojidan xabardor bo‘lgan The Telegraph jurnalisti Kris Baskomb.