JCH-2018 saralashi saralashi, Yevropa mintaqasida I guruhi vakillari Xorvatiya hamda Kosovo terma jamoalari o‘rtasidagi uchrashuv davom ettirildi.
Shanba kuni 7-tur o‘yinlari doirasida bo‘lib o‘tishi kerak bo‘lgan bu bahs Zagrebda kuzatilgan noqulay ob-havo tufayli 22-daqiqada to‘xtatilgan va davomi keyinga qoldirilgandi.
Bugun 22-daqiqasidan davom ettirilgan uchrashuv xorvatlarning kichik hisobdagi g‘alabasi bilan yakunlandi. 74-daqiqada Domagoy Vida gol muallifiga aylandi.
Endilikda Xorvatiya 16 ochkosi bilan guruhda peshqadamlik qilmoqda, ikkinchi o‘rinda 14 ochko to‘plagan Ukraina joylashgan.
Keyingi turda Xorvatiya 5 sentyabr kuni Turkiyaga qarshi safarda o‘ynaydi, Kosovo esa shu kuni Finlyandiyani qabul qiladi.
JCH-2018 saralashi
Yevropa, 8-tur
Xorvatiya – Kosovo 1:0 (0:0, 1:0)
Gol: 1:0 – 74 Vida.
Xorvatiya – Subashich, Lovren, Pivarich, Vrsalko, Vida, Kovachich (Badel, 55), Modrich, Rakitich (Kramarich, 55), Brozovich (Kalinich, 73), Perishich, Mandjukich.
Kosovo – Uykani, Yashanisa, Voyvoda, Rraxmani, Alushi, Kololi (Pakyarada, 71), Kryuezyu, Zeneli (Nuxiu, 80), Berisha, Rashisa, Muriki (Feyzulaxu, 67).
Ogohlantirishlar: Muriki (65), Voyvoda (83), Pivarich (90).
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Xorvatiya | 7 | 5 | 1 | 1 | 12-2 | 16 |
| 2 | Ukraina | 7 | 4 | 2 | 1 | 11-5 | 14 |
| 3 | Islandiya | 7 | 4 | 1 | 2 | 9-7 | 13 |
| 4 | Turkiya | 7 | 3 | 2 | 2 | 11-8 | 11 |
| 5 | Finlyandiya | 7 | 1 | 1 | 5 | 5-10 | 4 |
| 6 | Kosovo | 7 | 0 | 1 | 6 | 3-19 | 1 |
