ЖЧ-2018 саралаши саралаши, Европа минтақасида I гуруҳи вакиллари Хорватия ҳамда Косово терма жамоалари ўртасидаги учрашув давом эттирилди.
Шанба куни 7-тур ўйинлари доирасида бўлиб ўтиши керак бўлган бу баҳс Загребда кузатилган ноқулай об-ҳаво туфайли 22-дақиқада тўхтатилган ва давоми кейинга қолдирилганди.
Бугун 22-дақиқасидан давом эттирилган учрашув хорватларнинг кичик ҳисобдаги ғалабаси билан якунланди. 74-дақиқада Домагой Вида гол муаллифига айланди.
Эндиликда Хорватия 16 очкоси билан гуруҳда пешқадамлик қилмоқда, иккинчи ўринда 14 очко тўплаган Украина жойлашган.
Кейинги турда Хорватия 5 сентябрь куни Туркияга қарши сафарда ўйнайди, Косово эса шу куни Финляндияни қабул қилади.
ЖЧ-2018 саралаши
Европа, 8-тур
Хорватия – Косово 1:0 (0:0, 1:0)
Гол: 1:0 – 74 Вида.
Хорватия – Субашич, Ловрен, Пиварич, Врсалько, Вида, Ковачич (Бадель, 55), Модрич, Ракитич (Крамарич, 55), Брозович (Калинич, 73), Перишич, Манджукич.
Косово – Уйкани, Яшаница, Войвода, Ррахмани, Алуши, Кололи (Пакярада, 71), Крюэзю, Зенели (Нухиу, 80), Бериша, Рашица, Мурики (Фейзулаху, 67).
Огоҳлантиришлар: Мурики (65), Войвода (83), Пиварич (90).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Хорватия | 7 | 5 | 1 | 1 | 12-2 | 16 |
| 2 | Украина | 7 | 4 | 2 | 1 | 11-5 | 14 |
| 3 | Исландия | 7 | 4 | 1 | 2 | 9-7 | 13 |
| 4 | Туркия | 7 | 3 | 2 | 2 | 11-8 | 11 |
| 5 | Финляндия | 7 | 1 | 1 | 5 | 5-10 | 4 |
| 6 | Косово | 7 | 0 | 1 | 6 | 3-19 | 1 |
