JCH–2018 turniriga saralash bosqichi “A” guruhi 10-turidan o‘rin olgan O‘zbekiston – Janubiy Koreya uchrashuvi oldidan o‘tkazilgan matbuot anjumanida koreyaliklar ustozi Shin Te Yong va Son Xyon Min qatnashdi.

“Dastavval O‘zbekiston Futbol Federasiyasiga minnatdorlik bildirmoqchiman. Ularning yordami bilan yaxshi mehmonxonaga joylashdik, barcha sharoitlar qoniqarli. Kunduzi biroz issiq, ammo kechasi salqin va bizga barchasi ma’qul.

O‘zbekiston termasining safarda Xitoyga qarshi o‘yin natijasini muhokama qila olmayman. Biz hozircha bo‘lajak o‘yin haqida o‘ylayapmiz. Janubiy Koreya terma jamoasi faqat g‘alaba uchun maydonga tushadi. Bir pley-off haqida o‘ylayotganimiz yo‘q. Janubiy Koreyada guruhdagi boshqa jamoalardan ko‘ra JCHga chiqish imkoniyati yaxshiroq.

Samvel Babayanni hurmat qilama, u bilan munosatimiz yaxshi. Qatarda bo‘lib o‘tgan Osiyo chempionatida olimpiya terma jamoalarini boshqarganmiz. O‘shanda bitta mehmonxonada turganmiz va bir-birimizga qarshi o‘ynaganmiz. Unga bo‘lgan hurmatim baland”, – dedi Shin Te Yong.

“O‘zbekistonga qarshi bir nechta o‘yinda maydnga tushganman. Menda tajriba yetarli. Jamoada muhit yaxshi, hamma murabbiyni hurmat qiladi va unga quloq solmoqda. Ertaga barcha futbolchilar g‘alaba uchun maydonga tushadi. O‘zbekistonga qarshi barcha o‘yinlar og‘ir kechgan va bu safar ham oson bo‘lmaydi”, – deb o‘z fikrini bildirdi Son Xyon Min.

Eslatib o‘tamiz, O‘zbekiston – Janubiy Koreya uchrashuvi ertaga, 5 sentyabr kuni Toshkentdagi “Bunyodkor” stadionida bo‘lib o‘tadi. O‘yin mahalliy vaqt bilan soat 20:00 da boshlanadi.