“O‘zbekistonda sport tashkilotlarini boshqarish va dunyo tajribasi” konferensiyasi ishtirokchilari O‘zbekiston prezidenti Shavkat Mirziyoyev, shuningdek, davlat maslahatchisi Ahmadxo‘ja Yunusxo‘jayev, jismoniy tarbiya va sport qo‘mitasi raisi Rustam Qurbonov, milliy olimpiya qo‘mitasi raisi Alisher Sultonov va O‘zbekiston futbol federasiyasi a’zolari nomiga rezolyusiya qabul qilishdi.
Rezolyusiyada aytilishicha, 7 sentyabr kuni Toshkentda bo‘lib o‘tgan “O‘zbekistonda sport tashkilotlarini boshqarish va dunyo tajribasi” konferensiyasida mamlakatda sportni boshqaruv, xususan, O‘zbekiston futbol federasiyasi, professional va bolalar-o‘smirlar futboliga oid masalalar muhokama qilingan.
“O‘zbekistonda futbol muvaffaqiyatli rivojlanishi uchun barcha imkoniyatlar mavjudligiga mutlaqo ishonchimiz komil. Biroq futbolni boshqaruvdagi tizimli muammolar, rivojlanish dasturining mavjud emasligi futbolning og‘ir inqirozga uchrashiga olib keldi va zudlik bilan chora ko‘rilmasa, uzoq yillar davomida jahon maydonlarida ham milliy terma jamoalar, ham klub futboli darajasida raqobat qilish qobiliyatidan mosuvo bo‘linadi”, deyiladi rezolyusiyada.
Inqirozli holatlarni bartaraf etish va O‘zbekistonda futbolni rivojlantirish uchun sharoitlar yaratish maqsadida murojaat qiluvchilar O‘zbekiston prezidenti huzurida jismoniy tarbiya va sportni rivojlantirish bo‘yicha kengash tuzishni, 2018-2023 yillarda O‘zbekistonda futbolni rivojlantirish bo‘yicha davlat maqsadli dasturini ishlab chiqishni taklif etishgan.
Rezolyusiyada bayon etilishicha,
