FIFA «Tottenhem» va Angliya terma jamoasi yarimhimoyachisi Dele Alli ustidan intizomiy ish qo‘zg‘adi.
Ma’lumki, futbolchi JCH-2018 saralashidan o‘rin olgan Angliya - Slovakiya (2:1) o‘yinida uyatsiz ishora qilib, o‘rta barmog‘ini ko‘rsatgan edi. Ko‘pchilik buni hakamga qarata qilingan deb xulosa chiqardi, ammo Allining o‘zi jamoadoshi Kayl Uokerga hazil qilganini aytgan edi.
BBC xabariga ko‘ra, FIFA uning bu qilig‘i yuzasidan surishtiruv ishlarini boshlab yuborgan va yakuniy qarorni sentyabr oyi oxirlarida chiqaradi.
Eslatib o‘tamiz, Angliya terma jamoasi JCH-2018 saralash o‘yinlari yakunida Sloveniya (5 oktyabr) va Litva (8 oktyabr) bilan bellashadi.
