"Liverpul" yarimhimoyachisi Sadio Mane "Manchester Siti" posboni Edersonga nisbatan qo‘pol o‘ynagani uchun uzr so‘radi.
"Edersonning tezroq sog‘ayib ketishiga tilakdoshman. Biz tasodifan to‘qnashib ketdik, uning jarohat olganidan afsusdaman. Uning tez orada maydonga qaytishi uchun duo qilaman" - deb yozdi 25 yoshli futbolchi feysbuk sahifasida.
Eslatib o‘tamiz, to‘p uchun kurashda Mane darvozabonning yuziga tepgan va shu zahoti maydondan chetlatilgandi.
Britaniya matbuoti xabariga ko‘ra, Edersonning sog‘lig‘iga hech narsa tahdid solmayapti.