"Ливерпуль" яримҳимоячиси Садио Мане "Манчестер Сити" посбони Эдерсонга нисбатан қўпол ўйнагани учун узр сўради.
"Эдерсоннинг тезроқ соғайиб кетишига тилакдошман. Биз тасодифан тўқнашиб кетдик, унинг жароҳат олганидан афсусдаман. Унинг тез орада майдонга қайтиши учун дуо қиламан" - деб ёзди 25 ёшли футболчи фейсбук саҳифасида.
Эслатиб ўтамиз, тўп учун курашда Мане дарвозабоннинг юзига тепган ва шу заҳоти майдондан четлатилганди.
Британия матбуоти хабарига кўра, Эдерсоннинг соғлиғига ҳеч нарса таҳдид солмаяпти.