"Barselona" hujumchisi Lionel Messining yangi shartnomasi bo‘yicha navbatdagi g‘alati xabar paydo bo‘ldi.

Sport.es xabariga ko‘ra, klub futbolchi uchun uchta shartnoma tayyorlab qo‘ygan.

Birinchisi - futbolchining shaxsiy jamg‘arma fondi uchun. Ikkinchisi - futbolchining timsolidan foydalanish huquqi uchun. Uchinchisi - mehnat shartnomasi.

Argentinalik dastlabki ikki shartnomani imzolagan. Uchinchi shartnomani uning otasi va agenti Xorxe Messi imzolagan. Endi klub futbolchining imzosini kutmoqda.

Mutaxassislarning fikriga ko‘ra, Messi yaqin orada mehnat shartnomasini ham imzolaydi. Chunki, o‘zining timsolidan foydalanish huquqini "Barselona"ga topshirgan futbolchining boshqa klubga o‘tib ketishida ma’no yo‘q.