"Барселона" ҳужумчиси Лионель Мессининг янги шартномаси бўйича навбатдаги ғалати хабар пайдо бўлди.
Sport.es хабарига кўра, клуб футболчи учун учта шартнома тайёрлаб қўйган.
Биринчиси - футболчининг шахсий жамғарма фонди учун. Иккинчиси - футболчининг тимсолидан фойдаланиш ҳуқуқи учун. Учинчиси - меҳнат шартномаси.
Аргентиналик дастлабки икки шартномани имзолаган. Учинчи шартномани унинг отаси ва агенти Хорхе Месси имзолаган. Энди клуб футболчининг имзосини кутмоқда.
Мутахассисларнинг фикрига кўра, Месси яқин орада меҳнат шартномасини ҳам имзолайди. Чунки, ўзининг тимсолидан фойдаланиш ҳуқуқини "Барселона"га топширган футболчининг бошқа клубга ўтиб кетишида маъно йўқ.
