“Liverpul” muxlislari Kloppga qarshi dahshatli namoyish uyushtirishmoqchi.
Tvitterda “KloppOUT” nomli blog va xeshteg ochildi. Akkaunt egasining aytishicha, muxlislar allaqachon banner tayyorlashni boshlab yuborishgan. Bannerda quyidagi jumlalar yozilgan: “Klopp — futbol dahosi. Ammo uning g‘alabalar koyeffisiyenti Devid Moyesniki bilan teng. Hech qanday sovrin yo‘q. Yorqin xotiralar uchun rahmat, ammo xayrlashish vaqti keldi. Klopp — iste’foga chiq”.
Muxlislar ijaraga samolyot olishmoqchi va “Liverpul” ishtirokidagi o‘yinlardan biri samolyot bilan stadion tepasiga kelib, bannerni maydonga tashlashmoqchi.
Norozi muxlislar ayni damda samolyotning ijarasi va uchuvchining xizmat haqi uchun pul yig‘ishmoqda. Katta ehtimol bilan ularning namoyishlari “Byornli”ga qarshi o‘yinda bo‘lib o‘tadi.
