Futbol afsonasi Diyego Maradona haqida qiziqarli faktlar.
O‘zining ilk to‘pini Maradona 7 yoshiligida amakivachchasidan sovg‘a sifatida olgan. Karyerasini «Arxentinos Xuniors»da boshlagan Diyego 1982 yilda «Barselona» jamoasi tarkibiga qo‘shiladi. Uning transfer mablag‘i o‘sha payt uchun rekord deb qayd etilgan — 8 mln. dollar. Maradona «Sevilya», «Napoli», «Boka Xuniors», «Nyuells Old Boyz» klublarida ham to‘p surgan.
MARADONA BUENOS-AYRESNING FAXRIY FUQAROSI HISOBLANADI. “NAPOLI” KLUBI O‘Z TARIXIDA BIRINCHI MARTA MAMLAKAT CHEMPIONI BO‘LGANIDA MARADONANING 10 RAQAMLI FUTBOLKASI NEAPOLDAGI BARCHA HAYKALLARGA KIYDIRILGAN. 1987 YIL ITALIYADA ASOSIY TAOM BO‘LMISH PISSA “MARADONA” NOMI BILAN ATALGAN. 1995 YILDA MARADONA FAXRIY “OLTIN TO‘P”GA SAZOVOR BO‘LDI. 53,6% FIFA SO‘ROVNOMASI ISHTIROKCHILARI MARADONANI XX ASRNING ENG YAXSHI FUTBOLCHISI DEB TAN OLISHDI. LEKIN FEDERASIYA EKSPERTLARI BU UNVONNI PELEGA BERISHDI VA BU QARORDAN MARADONA QATTIQ RANJIDI. JANJAL KELIB CHIQISHIDAN CHO‘CHIGAN MUTAXASSISLAR O‘Z XATOLARINI “O‘TGAN ASRNING IKKITA ENG ZO‘R O‘YINCHISI BO‘LGAN” DEB TUZATISHGAN.
