15 sentyabr kuni Londonning “Persons Green” metro stansiyasida portlash sodir bo‘lgan edi.

Mazkur voqea terakt deb baholandi. Unga Londonning “Chelsi” futbol klubi bosh murabbiyi Antonio Konte o‘z munosabatini bildirib o‘tdi.

“...SHuni aytishni istardimki, bizning barcha o‘y-hayollarimiz teraktda jabrlanganlarning ahvoli bilan bog‘liq bo‘lmoqda. Bunday vaziyatlarda sen hayolan o‘zingni o‘sha yerda bo‘lib qolgandek tasavvur qilasan.

Esimda, Italiya terma jamoasiga murabbiylik qilgan vaqtimda mashg‘ulot bazamizga terrorchilik hujumi bo‘lgandi.

Bunday holatda olg‘a yurishda davom etish lozim. Bu juda ko‘ngilsiz holat, ammo biz ulardan kuchli ekanligimizni ko‘rsatib qo‘yishimiz kerak” - dedi italiyalik murabbiy.

So‘nggi xabarlarga qaraganda, Londondagi metro stansiyasida sodir bo‘lgan portlash oqibatida jarohatlangan soni 29 nafarga yetgan.