Italiyaning “Inter” klubi PSJ yarim himoyachisi Adriyen Rabyo xizmatlariga qiziqish bildirmoqda.
Italiyaliklar sport direktori Valter Sabatini bundan uch yil avval Rabyoni “Roma”ga olib kelishi mumkin edi, ammo o‘sha vaqtdagi “Roma” murabbiyi Rudi Garsiya Adriyen nomzodiga qarshi chiqqandi.
Endilikda faoliyatini “Inter”da davom ettirayotgan Sabatini futbolchini “Inter” rahbariyatiga sotib olishni taklif etgan.
Ta’kidlash joizki uning xaridi PSJdagi shartnomasini uzaytirishga bog‘liq bo‘lib, amaldagi shartnoma 2019 yil yakuniga yetadi.
