«Inter» bosh murabbiyi Luchano Spalletti «Skuadra adzurra» ustozi Jampyero Ventura fikriga qo‘shilmasligini aytdi.
Avvalroq, Ventura hozirgi italiyalik futbolchilarni tanqid qilgan edi.
«Italiya futboli kelajagi? Terma jamoa Ispaniyaga mag‘lub bo‘lishdan oldin, ko‘plab o‘yinlarda g‘alaba qozondi. Hamma narsani kelajak nuqtai nazaridan baholash lozim.
Futbolimiz yangi saviyaga ko‘tarilmoqda. Buni Yevropa Ligasi o‘yinlarida ko‘rdingiz, tez orada Chempionlar ligasida ham ko‘rasiz. Bundan tashqari, Italiya chempionatida ham ijobiy o‘zgarishlar bor. Kamtarona SPAL Milanga kelib, o‘z o‘yinini namoyish qilganini ko‘rdingiz. Biz to‘g‘ri yo‘ldan boryapmiz" - dedi Spalletti Football Italia xabarida.
