«Интер» бош мураббийи Лучано Спаллетти «Скуадра адзурра» устози Жампьеро Вентура фикрига қўшилмаслигини айтди.
Аввалроқ, Вентура ҳозирги италиялик футболчиларни танқид қилган эди.
«Италия футболи келажаги? Терма жамоа Испанияга мағлуб бўлишдан олдин, кўплаб ўйинларда ғалаба қозонди. Ҳамма нарсани келажак нуқтаи назаридан баҳолаш лозим.
Футболимиз янги савияга кўтарилмоқда. Буни Европа Лигаси ўйинларида кўрдингиз, тез орада Чемпионлар лигасида ҳам кўрасиз. Бундан ташқари, Италия чемпионатида ҳам ижобий ўзгаришлар бор. Камтарона СПАЛ Миланга келиб, ўз ўйинини намойиш қилганини кўрдингиз. Биз тўғри йўлдан боряпмиз" - деди Спаллетти Football Italia хабарида.
