Angliya chempionatining 5-turi doirasida muxlislar London derbsiga guvoh bo‘lishdi. "Stemford Brij" stadionida bo‘lib o‘tgan "Chelsi" va "Arsenal" jamoalari o‘rtasidagi o‘yinda hisob ochilmadi.
Birinchi bo‘limda ustunlik Arsen Venger shogirdlari tomonida bo‘ldi va mehmonlar bir nechta imkoniyatlardan foydalana olishmadi. Jumladan, Aaron Remzi "Chelsi" jarima maydonchasiga yorib kirib bergan zarbadan keyin to‘p ustunga tegib qaytdi. Lyakazett esa bo‘sh darvozani ishg‘ol eta olmadi.
Ikkinchi taymda esa ustunlik Antonio Konte jamoasi tomoniga o‘tdi. "Kanonirlar" mudofaa chizig‘i va darvozaboni jiddiy ter to‘kishga majbur bo‘ldi. O‘yin tugashiga bir necha daqiqa qolganida "Chelsi" himoyachisi David Luiz qo‘pol harakat uchun maydondan chetlatildi.
Natijada o‘yin 0:0 bilan yakunlandi. Har ikkala jamoa o‘z hisobiga 1tadan ochko yozib qo‘ydi. Konte jamoasi 10, "Arsenal" 7 ochko jamg‘arib turibdi.
APL, 5-tur
Chelsi – Arsenal 0:0
Chelsi – Kurtua, Aspilikueta, Keyxill, David Luiz, Mozes, Villian (Azar, 70), Kante, Pedro (Bakayoko, 46), Fabregas, Alonso, Morata (Kristensen, 89).
Arsenal – Chex, Mustafi, Monreal, Kolashinas, Kosyelni, Djaka, Remzi, Ivobi (El-Nenni, 80), Belyerin, Uelbek (Jiru, 73), Lyakazett (Sanches, 66).
Ogohlantirishlar: David Luiz (52), Morata (65), El-Nenni (84), Kolashinas (90), Belyerin (90).
Chetlatish: David Luiz (87).