“Manchester Yunayted” klubi bosh murabbiyi Joze Mourinyo jamoa yarim himoyachisi Pol Pogbaning jarohati borasida aniq ma’lumotlarni bilmaydi. Oldinroq matbuotda fransiyalik futbolchining 12 hafta davomida maydonga tusha olmasligi haqida ma’lumotlar tarqagandi.
"Bilmayman, Pogba 12 haftani emas, 12 kunni o‘tkazib yuborishi ham mumkin. Ayni damda barcha muhokamalar hech qanday ma’noga ega emas. Chunki biz ham hech nimani bilmaymiz.
Klubdagilardan hali hech kim 12 hafta yoki 12 kun borasida gapirmadi. O‘yinchiga tashhis qo‘yildi. Uning qon namunalaridan esa yetarlicha ma’lumotlar olinadi. Rentgendan keyin esa barchasi ayon bo‘ladi.
Polda tizzaosti sohaning mushaklari jarohatlangan. Uning tiklanishi uchun biroz kutish kerak. Demak, barcha mish mishlar asossiz", deydi Mourinyo.
