“Манчестер Юнайтед” клуби бош мураббийи Жозе Моуриньо жамоа ярим ҳимоячиси Пол Погбанинг жароҳати борасида аниқ маълумотларни билмайди. Олдинроқ матбуотда франциялик футболчининг 12 ҳафта давомида майдонга туша олмаслиги ҳақида маълумотлар тарқаганди.
"Билмайман, Погба 12 ҳафтани эмас, 12 кунни ўтказиб юбориши ҳам мумкин. Айни дамда барча муҳокамалар ҳеч қандай маънога эга эмас. Чунки биз ҳам ҳеч нимани билмаймиз.
Клубдагилардан ҳали ҳеч ким 12 ҳафта ёки 12 кун борасида гапирмади. Ўйинчига ташҳис қўйилди. Унинг қон намуналаридан эса етарлича маълумотлар олинади. Рентгендан кейин эса барчаси аён бўлади.
Польда тиззаости соҳанинг мушаклари жароҳатланган. Унинг тикланиши учун бироз кутиш керак. Демак, барча миш мишлар асоссиз", дейди Моуриньо.
