Oliy liganing 21-turidan o‘rin olgan “Paxtakor” - “Sho‘rtan” (3:0) uchrashuvidan so‘ng, mehmonlar bosh murabbiyi Gennadiy Kochnev o‘z fikrlarini aytdi.
"Avvalo “Paxtakor” jamoasi va muxlislarini g‘alaba bilan tabriklayman. Birinchi bo‘limda himoyada zich o‘ynashni rejalashtirgandik. Ammo bu amalga oshmadi. Himoyadagi qo‘pol xatolar bizga qimmatga tushdi. Bugun tayanch hududida harakat qilgan futbolchilarimiz kutilgan o‘yinni ko‘rsata olishmadi. Ularning yomon o‘yini tufayli raqibning bir qator hujumlarini o‘tkazib yubordik. Bu esa gollarga olib keldi.
“Lokomotiv” bilan o‘yinda yaxshi harakat kilgandik. Ammo bugun yomon o‘ynadik. Bugungi uchrashuvga tayyorlagan rejamiz o‘xshamadi. O‘yin biz istagandek kechmadi. Shuningdek, himoyadagi yo‘qotishlar ham o‘yinimizga ta’sir qildi. Ma’lumki, Melziddinov ogohlantirishlari soni to‘rttaga yetganligi bois, bugun jamoaga yordam bera olmadi" - dedi Kochnev.
