PSJ klubi hujumchilari Neymar va Edinson Kavani o‘rtasidagi mojaro noxush yakunlanishi mumkin.

Ispaniya matbuoti xabariga ko‘ra, Neymar urugvaylik futbolchi bilan bir jamoada o‘ynashni istamayapti. U klub xo‘jayini bilan bog‘lanib, Kavanini sotib yuborishni talab qilgan. Xususan, Neymar shartnoma imzolashdan oldin, uning atrofida yangi jamoa barpo qilishni va’da berganini mulozimga eslatgan.

Eslatib o‘tamiz, Fransiya chempionatidan o‘rin olgan "Lion"ga (2:0) qarshi o‘yinda futbolchilar penaltini kim tepishi kerakligi borasida tortishib qolgan edi. O‘yindan keyin esa, har ikkalasi kiyinish xonasida mushtlashib ketishiga sal qolgan. Faqat jamoa sardori Tiago Silva oraga tushib, ularni tinchlantirgan.