Kataloniyaning “Barselona” klubi yarim himoyachisi Usmon Dembele bugun, 19 sentyabr kuni Finlyandiyada muvaffaqiyatli operasiya qilindi.

Dembele operasiyasini tajribali doktor Sakari Orava o‘tkazgan. Futbolchi doktor Rikard Prunaning doimiy nazoratida bo‘lib turadi. So‘nggi ma’lumotlarga ko‘ra, Dembele 3,5 oy maydonga tusha olmaydi.

Eslatib o‘tamiz, 20 yoshli fransiyalik futbolchi “Xetafe”ga qarshi uchrashuv (2:1) da chap oyog‘i mushaklaridan jarohat olib safdan chiqqandi. .

Ma’lumot uchun, “Barselona” Usmon Dembeleni shu yilning avgust oyida “Borussiya” Dortmund klubidan 105 million yevro evaziga sotib olgandi.