Madridning “Real” klubi yarim himoyachisi Isko “qirollik klubi” bilan yangi shartnoma imzoladi. Bu haqda “Real” klubining Matbuot xizmati xabar bermoqda.
 
Unga ko‘ra, Isko “Real” bilan 2022 yilga qadar bo‘lgan shartnomaga imzo chekkan.
 
Shuningdek, “qirollik klubi” Iskoning yangi shartnomasidagi tovon pulini 700 million yevro etib belgilagaydi.
 
Eslatib o‘tamiz, avvalroq braziliyalik himoyachi Marselo ham “Real” bilan amaldagi shartnomasini uzaytirgandi.
 
Joriy yilning 3 avgust kuni Fransiyaning “PSJ” klubi “Barselona”ga Neymarning 222 million yevro tovon pulini to‘lab, uni o‘z tarkibiga qo‘shib olgandi. Brazliyalik hujumchi hozirgi kunda dunyoning eng qimmat futbolchisi hisoblanadi.
 
Agar qaysidir jamoa Iskoni sotib olish niyatida bo‘lsa, ularga Neymar kabi 3 ta futbolchini izlab topishni maslahat bergan bo‘lardik.
 
Chunki Neymar 222 million yevro tursa, Iskoning transfer narxi 700 million yevro deya belgilab qo‘yilgan. Undan tashqari “qirollik klubi” o‘z futbolchisini ushbu pullarga ham qo‘yib yuborishi amri mahol.