PSJ jamoasi Fransiya chempionatining 6-turida “Lion”ga qarshi maydonga tushdi va avtogollar evaziga g‘alaba qozondi.
Uchrashuvda avval Neymar va Edinson Kavani penaltini tepish vaqtida tortishib qoldi. Ya’ni Kavani Neymarga 11 metrlik jarima zarbasini amalga oshirishiga ruhsat bermadi.
Keyinchalik yuzaga kelgan jarima zarbasida Dani Alves to‘pni Kavanidan Neymarga olib berdi. Bu esa Neymar va Kavani o‘rtasida mojaro kelib chiqishiga sabab bo‘ldi.
Jamoaga yaqinda qo‘shilgan Kilian Mbappe endilikda yuzaga kelgan mojarodan so‘ng jamoada penalti tepishdan qo‘rqib qolganini tan oldi.
“Ha, Kavani 11 metrdan gol ura olmadi. Ba’zida shunday bo‘lib turadi. U hali ko‘p gollar uradi. Edinson ajoyib – to‘purar hisoblanadi.
PSJda penalti teparmidim? Yo‘q, chunki bu yangi muammolarga sabab bo‘lishi mumkin”, - deydi Mbappe.
