"Manchester Yunayted" bosh murabbiyi Joze Mourinyo jamoa yarim himoyachilari Maykl Kerrik va Ander Errera nima sababdan o‘yinlarga tushmayotgani haqida aytib o‘tdi.

Yangi mavsumda portugaliyalik murabbiy ushbu ikki futbolchiga hali ishonch bildirmadi. Kerrik hali maydonga tushmadi. Errera esa faqatgina 90 daqiqa maydonda bo‘ldi.

Mourinyonnig gaplariga ko‘ra, ular Matich va Fellayniga raqobatda mag‘lub bo‘lmoqda.

"Serxio Romero tarkibda Yevropa ligasi finalida o‘ynadi, biroq ayni damda o‘ynamayapti. Errera esa mavsumning eng yaxshi futbolchisi bo‘ldi, ammo u ham maydonga tushmayapti. Bunday hayot katta klublarga tegishli.

Biz Maykl bilan shartnomani uzaytirdik, chunki u ajoyib va bizga kerakli futbolchi. Biroq hozirda Matich va Fellayni o‘zining yuqori sport formasida.

Men ularning oldin bundanda chiroyli o‘ynaganini ko‘rmaganman", - deydi Mourinyo klub rasmiy saytiga.