“Chelsi”ning transfer siyosati FIFAning e’tiroziga sabab bo‘lmoqda. Gap shundaki, “Chelsi” 18 yoshgacha bo‘lgan futbolchilarni sotib olish borasida qonunbuzarlikka yo‘l qo‘ygan. Shunisi qiziqki, oxirgi sakkiz yilda FIFA uchinchi marta “Chelsi”ga xuddi shunday ayblov qo‘ymoqda.
2009 yilda FIFA “Chelsi”ga Gael Kakut noqonuniy transfer qilingani uchun yangi futbolchilarni xarid qilishni taqiqlagandi. O‘tgan yili esa Bertran Traorening transferi shunday taqiqqa sabab bo‘lgandi.
“Chelsi” bu ayblovga javob qaytardi. Klub ma’muriyatining ta’kidlashicha, jamoa FIFA qoidalariga yuz foiz amal qilgan.
